Um okkur

Um Verklagnir og þjónustu þess.

Verklagnir voru stofnaðar á árinu 1993 af Gunnlaugi Jóhannessyni pípulagningameistara. Fyrirtækið var upphaflega rekið sem sameignarfélag en á árinu 1999 var rekstrarforminu breytt í einkahlutafélag. Verklagnir störfuðu fyrstu árin sem þjónustufyrirtæki á sviði pípulagna og sinntu einkum viðhaldi og eftirliti með hita- og kælibúnaði auk nýlagna.

Á árinu 2007 söðlaði fyrirtækið um og hóf innflutning og sölu á varmadælum og tengdum búnaði frá helstu framleiðendum varmadæla í Evrópu og Japan. Síðan þá hefur fyrirtækið stækkað, umboðum fjölgað og vöruúrval aukist til muna.

Verklagnir flytja inn varmadælur frá Thermia í Svíþjóð og eru sölu- og þjónustuaðili fyrir Thermia á Íslandi.  Thermia, sem er í eigu Danfoss,  er rekið sem sjálfstæð eining innan hitadeildar Danfoss. Verklagnir flytja einnig inn varmadælur frá Daikin Europe, sem er með höfuðstöðvar í Evrópu, en Daikin er japanskt merki. Varmadælurnar frá Daikin Europe eru framleiddar í Evrópu.  Thermia og  Daikin Europe selja bæði varmadælur sem eru sérhannaðar fyrir norðlægar slóðir.

Fyrirtækið Varmebaronen í Svíþjóð er leiðandi framleiðandi á hitabúnaði í Svíþjóð.  Það framleiðir hitatúpur af ólíkum stærðum og gerðum. Hitatúburnar frá Varmebaronen eru þekktar fyrir gæði og góða endingu. Verklagnir bjóða upp á nokkrar gerðir af hitatúbum frá Varmebaronen. Við flytjum einnig inn sérhönnuð rör til varmavinnslu frá sænska fyrirtækinu  MuoiviTech ásamt fjölbreyttu úrvali af aukahlutum til tengingar við varmadælur. SWEP varmaskiptar eru nú fáanlegir hjá okkur og eigum við alltaf mikið úrval á lager.

Verklagnir hófu nýverið samstarf við ítalska stórfyrirtækið Aermec, sem er einn helsti framleiðandi stórra (iðnaðar) loft í vatn varmadæla, lághitaofna, loftræstinga og búnaðar til varmaendurvinnslu í heiminum í dag. Í höfuðstöðvum fyrirtækisins á Ítalíu er að finna stærsta og fullkomnasta prófunarklefa í Evrópu til prófunar á varmadælum, kælitækjum og fleiru. Klefinn er vottaður af Eurovent vottunarstofunni.

Mastercool er amerískt fjölskyldufyrirtæki. Höfuðstöðvar fyrirtækisins í Evrópu eru í Belgíu. Fyrirtækið selur einkum verkfæri og tæknibúnað fyrir kæliðnaðinn (HVAC vörur). Verklagnir munu á næstu dögum og vikum bjóða til sölu fjölda nýrra vara frá Mastercool.

Verklagnir geta státað af því að eiga stóran hóp af ánægðum viðskiptavinum sem hafa átt í farsælum viðskiptum við fyrirtækið í gegnum árin.  Við leggjum metnað okkar í að veita góða þjónustu og halda viðskiptavinum okkar ánægðum með því að bjóða upp á vandaða vöru á samkeppnishæfu verði.

Verklagnir eru með skrifstofu og verslun að Smiðjuvegi 70 – gul gata.  Þar er að finna sýningarsal með varmadælum frá Thermia og  Daikin Europe og þjónustuverkstæði.

Vertu velkominn í hóp ánægðra viðskiptavina okkar!

Verklagnir-logo

 

Sérfræðingar í varmadælum

Ef þú ert að velta einhverju fyrir þér, hafðu þá samband og við finnum bestu lausnina fyrir þig.